Pormal nga gibuksan karong adlawa, March 31, 2022 ang WATSONS Daanbantayan pinaagi sa usa ka blessing ug ribbon cutting ceremony.
Gikonsidera nga pinakadakong Watsons Store dinhi sa kwatro distrito, ang grand opening gitambungan sa amahan sa atong lungsod Mayor Sun Shimura ug kanhi Mayor Maria Luisa J. Loot.
Sa iyang mensahe, gisaysay ni Mayor Shimura nga malipayon ug mapasalamaton siya nga miabot dinhi sa Daanbantayan ang mga establisadong kumpanya sama sa Watsons ug Jollibee. Tungod kay kini ang basehan nga padayon kita sa paglambo ug timailhan nga adunay kumpyansa ang mga investors nga motukod og negosyo sa atong lungsod.
Ang WATSONS Daanbantayan nahimutang sa MJL Building, along Osmena St. duol sa Jollibee. Store hours gikan 7am hangtod 9pm.
03/31/2022
