Gi-turnover sa National Housing Authority (NHA) ngadto sa LGU padung sa beneficiaries ang 1,000 housing units sa Lanao Unity Park Homes kagahapong adlawa, March 8, 2022.
Gibahin sa duha ka hugna ang turnover ceremony kun diin adunay programa nga gipahigayon sa buntag ug sa hapon aron ma accommodate ang tanang beneficiaries nga kadaghanan mga lumulupyo sa barangay Poblacion, Lanao, Agujo, ug Malingin.
Mitambong sa aktibidad sila Mayor Sun Shimura, Congw. Janice Salimbangon, SB Member Ali Abucay ug kauban’g konsehales, barangay officials, ug executives sa NHA sa panguna ni Engr. Dante Estrobo, Cebu District Office OIC.
Ang Lanao Unity Park Homes mao ang ikaupat sa unom ka NHA housing sites nga na turnover ngadto sa mga beneficiaries. Gilangkuban kini sa Maya Park Homes-650; Green Height I Tominjao-750; Green Heights II Calape-463. Kasamtangang gitrabaho ang Kandaya Homes I Tapilon ug Kandaya Homes II Paypay.
Ang NHA mi allocate sa di moubos sa 4363 housing units alang sa mga biktima sa bagyong Yolanda nga nagpuyo sa danger zone, informal settler ug mga renter o sharer. Kahinumduman nga miigo ang labing kusog nga bagyong Yolanda sa Daanbantayan niadtong November 8, 2013 ug nagbilin kini og dakong kadaot sa atong imprastaktura ug panginabuhian. 03/09/2022
#ShineDaanbantayan
