Giduaw ni Vice Mayor Elver Ali Abucay, kauban si Konsehal Bridgette Tancawan, aron personal nga itunol ang tabang pinansyal ngadto sa pamilya nga nasunugan og balay sa Purok Kulo, Barangay Lanao.
Nakadawat og P20,000 financial assistance gikan sa LGU ug napulo ka sako nga semento gikan ni Vice Mayor Abucay ang magtiayong Dave Luche ug Liza Leosa, adunay lima ka anak, nga nasunugan og balay niatong May 15, 2023 pasado alas onse sa gabie.
Naugdaw ang panimalay sa pamilya apil na ang ilahang mga butang, apan wala hinuoy naangol sa maong insidente.
Mihatag sab og tabang ang DSWD sa mga biktima, sama sa food pack, family kit, kitchenware, sleeping kit ug used clothing gikan sa mga concerned citizen. 5/18/2023
