5 HECTARES CORN DEMO FARM HARVEST

Gipangunahan sa Department of Agriculture (DA) Region 7 sa pakigtambayayong sa LGU Daanbantayan ang farmer’s field day alang sa 5 hectares corn model farm adlaw’ng Byernes, September 16, 2022 sa Barangay Pajo.

Ang lima ka ektarya nga gitamnan og hybrid yellow corn gidumala sa PANAGSAMA Farmers Association, usa ka kapunungan sa mag-uuma sa Pajo Norte. Ang asosasyon adunay 51 members, ug accredited sa Sangguniang Bayan ug rehistrado sa Department of Labor and Employment kun DOLE sukad pa niatong tuig 2017. Pinaagi sa gihatag nga binhi ug abuno gikan sa DA, ug suporta gikan sa LGU nga maoy mihatag og krudo sa traktora nga midaro sa yuta, naugmad ang hybrid yellow corn techno demo farm.

Human sa 120 days gikan sa ilang pagpugas, gisaksihan sa atong mga opisyales ang bunga sa pagpaningkamot sa mga myembro sa PANAGSAMA. Gitambongan ang aktibidad nila Vice Mayor Ali Abucay, SB Member ug Committee on Agriculture Chairman Wendell Rosell, SB Member Mowy Luche, Provincial Corn Coordinator Marya Zea Villaganas, DA 7 Senior Science Research Specialist Norberto Ouano, kanhi Municipal Agriculturist Maria Lina Jugan, Municipal Agriculture Office (MAO) OIC Henry Rondina, mga opisyales sa Department of Agrarian Reform, DA, Provincial Agriculturist Office, ug Barangay Pajo Officials.

Nagpahibalo ang buhatan sa MAO nga aduna nay nagpaabot nga buyer sa ilang ani nga mais. Gibana-bana nga di moubos sa 12.5 metric tons o 12,500 kilos ang mabaligya nga corn grain gikan sa 5 hectares demo farm.

Sa nilabay’ng lima ka tuig, nagpabiling lig-on ug aktibo ang PANAGSAMA, hinungdan nga nadasig ang Department of Agriculture nga mahatagan sila og kaugalingong tractor. Aduna pay umaabot nga hand tractor ug corn sheller tungod kay tinguha sa ahensya mga mas mapalambo ang kapunungan ug panginabuhi sa matag myembro sa PANAGSAMA Farmers Association. 9/16/2022

#ShineDaanbantayan

Back To Top