Gisaulog sa LGU Daanbantayan ang Elderly Filipino Week karong Lunes, October 10, 2022 pinaagi sa usa ka programa nga gisalmotan sa mga opisyales sa matag senior citizen association sa tanang 20 barangays.
Nagkandaiyang mga pasundayag ang gipahigayon sulod sa Lamberto R. Te Cultural Center, sama sa dance contest kun diin gipakita sa atong mga seniors ang ilahang katakos sa sayaw nga chacha, tango, boogie, ug curacha.
Mitambong sa kalihokan sila Mayor Sun Shimura, Vice Mayor Ali Abucay, SB Member Wendell Rosell, SB Member Rex Novabos, SB Member Lolita Ybañez, OSCA Head Leticia Perpetua, PMAJ Marvin Inocencio, ug MSWDO Heidie Aplece.
Ang Elderly Filipino Week giselebrar matag buwan sa Oktubre pinasikad sa Proclamation No. 470 nga giluwat ni kanhi Presidente Fidel Ramos. Tinguha sa maong selebrasyon ang pagpatuman sa social welfare programs alang sa mga seniors ug ang pagka bililhon sa atong pagpangga, pagrespeto ug pag-atiman aron magpabilin silang baskog ug himsog ang panglawas. 10/10/2022
