Gahapon, unang adlaw sa Oktubre, kauban ni Mayor Sun sila si SB Members Jupjup Rosell, Malou Pepito ug Wendell Rosell ang mga kawani sa Rural Health Unit (RHU) aron magpahigayon og medical mission pinaagi sa libreng medical check-up, pagtimbang sa mga bata 5 anyos paubos, ug pagpanghatag tambal ug vitamins. Nanghatag usab si Mayor Sun og school bags nga may sulod nga school supplies ngadto sa mga estudyante gikan kindergarten hangtod grade 6. Daghang salamat sa suporta ni Gov. Gwen Garcia ug Board Member Kerrie Shimura.
Nakighinabi usab si Mayor Sun apil ang Municipal Social Welfare and Development Office (MSWDO) sa mga senior citizen aron ipahibalo nga gipatas-an ngadto sa P1,000.00 (gikan sa P500.00) ang ipanghatag nga financial assistance ug naa pa gayud dugang nga 5 kilos nga bugas. Kini naumol tungod sa pagpakabana sa atong mayor nga inabagan sa Sangguniang Bayan, ang Daanbantayan maoy nag-una nga municipality sa tibuok probinsya sa Sugbo nga mohatag og P1,000.00 matag Disyembre sa ilang senior citizens.
Sa laing bahin, nakigdayalogo ang atong mayor kauban ang Port Supervisor sa mga pumpboat operator aron sa paghan-ay sa pletehan sa pumpboat gikan sa tapilon wharf padung Carnaza. Gisabutan ug giuyunan nga P150.00 ang plete alang mga lokal ug turista, apan taasan puhon ang pletehan alang sa mga turista kon mapatuman na ang pagpaduso sa environmental fee.
