Si Lola Luisa Patalita Estopa Arranchado, 100 gatos ang panuigon ug lumad Kandayanon, nakadawat og P50,000 gikan sa LGU Daanbantayan.
Karong adlawa, gihatod ni ABC President ug Sangguniang Bayan Member Mark Anthony Luche ang maong pahalipay ngadto mismo sa panimalay ni Lola Luisa. Gawas sa P50,000 gikan sa LGU, makadawat sab og financial incentive si Lola Luisa nga maggikan sa Cebu Provincial Government ug National Government.
Si Lola Luisa Patalita Estopa Arranchado nahimugso niadtong May 15, 1923 ug mulupyo sa Dapdap Sur, Barangay Talisay. Mitaliwan na iyang bana, ug aduna siyay pito ka anak.
Matud pa sa apo ni Lola Luisa nga si Ma’am Annie Aragon, wa man kunoy sikreto sa taas nga kinabuhi ang iyahang lola, gawas ra sa light and cheerful disposition niini, basta happy lang ug dili magbaton og kayugot sa kaugalingon. 1/11/2024
