Dili moubos sa 600 ka indibidwal ang nidawat sa ilahang financial assistance ilawom sa Tulong Panghanapbuhay sa Ating Disadvantaged/Displaced Workers o TUPAD Program sa DOLE karong adlawa, April 26, 2023.
Gipangunayan ni Mayor Sun Shimura, Congw. Janice Salimbangon, ug Board Member Kerrie Shimura ang pag apud-apod sa maong tabang pinansyal ngadto sa mga beneficiaries nga molupyo sa nagkalain-laing barangay.
Ang buhatan ni Congw. Salimbangon, kauban ang DOLE isip partner agency, ang nagpatuman sa TUPAD program nga naghatag og emerhensiyang trabaho sa mga displaced workers, underemployed ug seasonal nga mga trabahante sa komunidad.
Mitambong sa kalihukan sila ABC Pres. Mowy Luche, PNP Daanbantayan Chief PMAJ Marvin Inocencio, ug mga representante sa DOLE.
