Sa panguna ni Mayor Sun Shimura, kauban ang mga nagkadaiyang buhatan, mipahigayon ang Local Government Unit (LGU) og caravan of services sa barangay Logon o Malapascua Island sulod sa duha ka adlaw, February 10-11.
Gipadangat ngadto sa mga molupyo sa barangay Logon ang One-Stop Shop alang sa nagkandaiyang serbisyo sama sa renewal and registration of business permits; reassessment of real property tax; issuance of cedula; registration of fisherfolks; processing of PSA documents; issuance of police clearance; inspection of establishments; registration of PWD and solo parent ug AICS application.
Ang mga buhatan nga misalmot sa maong kalihukan gilangkuban sa Municipal Agriculture Office, Local Civil Registrar, Municipal Treasurer’s Office, Municipal Environment and Natural Resources Office, Municipal Engineering Office, Municipal Assessor’s Office, Municipal Health Unit, Bureau of Fire Protection, Department of Trade and Industry, Municipal Tourism Office, Provincial Teasurer’s Office, MARINA, Municipal Social Welfare and Development Office, Municipal Police Station, Mayor’s Office, ug PhilSys.
Sa padayon nga tinguha sa LGU nga mapaduol ang serbisyo ngadto sa katawhan ug aron mahatagan og mas paspas, sayon ug kombenyente nga pamaagi ang mga lumulupyo sa isla, gihimo nang tinuig ang One-Stop Shop sa barangay Logon. 2/11/2023
