Pinaagi sa iyang State of the Municipality Address (SOMA) nga gipahigayon karong Lunes, October 24, 2022, gisaysay ni Mayor Sun Shimura ang iyang mga nabuhat sud sa unang usa ka gatos ka adlaw gikan sa iyang paglingkod isip mayor sa Daanbantayan.
Pipila ka mga dagkong proyekto ang gibuksan, sama sa Rural Health Unit 3 sa barangay Calape, floating pontoon dock sa barangay Carnaza, Kandaya Food Park ug children’s playground sa barangay Poblacion. Padayon ang Basura Mo Basura Ko program, K9 dogs for anti-drug operations, 19 out of 20 drug-cleared barangays, fully-equipped rescue vehicle turnover, ug ongoing construction sa birthing center ug sunset baywalk phase 2.
Matud ni Mayor Shimura gahinan og dakong pagtagad sa iyang administrasyon ang sektor sa Health; Education; Peace and Order; Tourism, Arts and Culture; Social Services; Agriculture; Disaster Reduction; Solid Waste Management; Basic Services and Infrastructure; ug Poverty Alleviation.
Mipahibalo sab ang mayor nga hapit na mahuman ang Municipal Health Card kun diin magamit kini sa mga private ug public hopitals, lakip na ang discounted fares sa Ceres bus. Sa sunod nga tulo ka tuig, hatagan og prayoridad ang Lanao Lake Family Park sa barangay Lanao, new Daanbantayan Stadium sa barangay Agujo, ug senior citizens park sa barangay Poblacion.
Kini ug uban pa, gipadayag ni Mayor Sun Shimura ngadto sa mga dagkong personalidad nga mitambong sa SOMA 2022, gipangunahan ni Vice Mayor Ali Abucay, Sangguniang Bayan members, Board Member Kerrie Shimura, mga punong barangay, department heads, school heads, heads of regional line agencies, SK chairpersons, CSO representatives, federation presidents sa mga asosasyon, ug CTU Glee Club nga miawit sa doksolohiya, national anthem ug Sugbo hymn. 10/24/2022
