Ang Daanbantayan Sunset Boardwalk usa ka dugang atraksyon nga makadani sa mga langyaw ug Kandayanon. Dinhi, atong matagamtam ang kagaan sa dughan samtang nagsud-ong sa malinawon ug matahom nga baybayon, ilabi na kon maglantaw sa talisawop nga adlaw hangtod kini mawagtang taliwala sa halapad nga kadagatan.
Nahimutang luyo sa Municipal Hall ug kilid sa Kandaya Food Park, gitukod ang breakwater boardwalk aron mapanalipdan ang katawhan ug mga istruktura batok sa pagtaob, sulog, balud ug pagdagsang sa bagyo. Nagsugod sa usa ka plano nga binuligan sa pagpaningkamot sa atong amahan sa lungsod, Mayor Sun Shimura, nahimo gayud nga reyalidad ang maong proyekto.
Milarga si Mayor Shimura sa kauluhan niadtong September 25, 2019 aron personal nga itunol sa Office of the President pinaagi sa Presidential Management Staff (PMS) ang Letter/Request para financial assistance sa pagpatukod og breakwater boardwalk balor P200 million. Apil sa letter request nga gisumiter mao ang Municipal Resolution No. 395-2019 ug uban pang documentary requirements.
Gihatod ni PMS Roaldo Fiscoplo ang letter/request ngadto sa Department of Budget and Management (DBM), kun diin gi-acknowledged sab sa ahensya nga ilang nadawat ang 16-page documents niadtong November 15, 2019.
Misanong and DBM sa maong request ug gi-dowload sa ahensya ang financial assistance padung sa Department of Public Works and Highways (DPWH) Regional Office nga maoy nag-implementar sa breakwater boardwalk project.
Salamat sa pagpaningkamot ug kakugi ni Mayor Sun Shimura, nga mao gayud ang nangunay sa paghangyo ngadto sa kauluhan aron mabubuan ang Daanbantayan og dakong project nga napahimuslan sa katawhan.
