Gisaulog sa LGU Daanbantayan pinaagi sa Municipal Social Welfare Development Office ang 1st National Solo Parents Day karong adlawa, April 20, 2023 sa pagpahigayon og usa ka programa nga gisalmotan sa mga solo parent gikan sa lain-laing mga barangay.
Nipakita sa ilahang tagsa tagsa ka abilidad ug talento, apil na ang pagtubag sa Q&A portion ang 13 ka maanyag na kandidata, aron makuha ang korona ug mahimong Miss Solo Parent 2023.
Mihurar sab sa ilang bag-ong katungdanan ang mga napili nga association president sa matag barangay.
Nihatag si Mayor Sun Shimura og 5 kilos nga rice sa di moubos 300 solo parent nga misalmot sa kalihokan sulod sa Lamberto R. Te Cultural Center. Mitambong sab sa program sila SB Member Marvi Loot-Pinos, MLGOO Grace Caburnay, PMAJ Marvin Inocencio, SKF Pres. Jade Earl Conag, ug MSWDO Heidie Aplece.
Ang Republic Act 11861 o mas nailhan nga Expanded Solo Parent Welfare Act nag-ila sa importansya sa solo parents sa Pilipinas sa paghandom sa ilang mga katungdanan isip single parent.
