Gipulong ni Mayor Sun Shimura, kauban si MAO Head Henry Rondina ug representatives sa DSWD-SLP (Sustainable Livelihood Program), ang mga trisikad drivers karong adlawa, February 28, 2023.
Ang panagtigom kabahin sa plano sa LGU nga pag phaseout sa traditional sikad ug ang paghatag og alternative livelihood sa mga drivers ilawom sa SLP. Pinaagi sa maong programa, makadawat og ebike ang mga qualified beneficiaries nga maoy magamit nila sa pang adlaw-adlaw nga panginabuhian.
Base sa initial nga gikasabutan, gamiton ang rent-to-own scheme kun diin magbayad ang mga beneficaries og minimal amount isip abang sa ebike hangtod nga sila na gayud ang makapanag-iya sa pasaheroan.
Gigamit ang maong pamaagi aron mahimong sustainable ang programa. Ang abang sa ebike ngadto padulong sa itukod nga association aron magamit nga pundo sa mga aktibidad ug kalihukan sa grupo.
Kaganiha, nag fill-up na og form ang kapin sa 100 sikad drivers nga mitambong sa miting. Mohimo og evaluation ang taga DSWD-SLP sa mga application nga gisumitir aron sa pagpili sa mga beneficiaries nga mahaom sa ilang guidelines. 2/28/2023
