Mitambong si Mayor Sun Shimura, kauban si District 1 Supervisor Dr. Eva Casinillo ug School Principal Dr. Archie Gallego, sa gipahigayon nga feeding program sa Daanbantayan National High School (DNHS) karong adlawa, November 20, 2024.
Ubos sa programa nga gipasiugdahan sa Cebu Provincial Government, sa pakigtambayayong sa lokal nga kagamhanan ug Municipal Federated PTA, tumong sa Sugbo School Feeding Program ang pagsiguro nga walay tinun-an sa probinsya nga magutman.
Sa iyang mensahe, gipahinumdon ni Mayor Shimura ngadto sa mga estudyante ang kamahinungdanon sa maayong pamatasan ug ang ilahang pagsuporta sa matag-usa ilabi na sa mga butang nga may kalabutan sa ilang pagtungha ug personal nga mga lakang. Gidasig sab sa mayor ang mga estudyante nga magpabiling lig-on ug disiplinado aron aduna silay igong katakos sa pagsulbad sa mga kalisdanan nga moabot sa ilang kinabuhi.
Atol sa maong kalihukan ang pagtambong sa mga opisyales sa DNHS General PTA ug Daanbantayan Sangguniang Kabataan Federation (SKF) nga mipadayag sa ilahang aktibo nga suporta ug partisipasyon sa mga programa sa LGU. Makita sa publiko ang ilahang mga aktibidad pinaagi sa Sugvlog Challenge, usa ka vlogging competition sa Kapitolyo nga gisalmutan sa tanang SK Federation sa probinsya.
