Gi-turnover ngadto sa LGU Daanbantayan pinaagi ni Mayor Sun Shimura ang lima (5) ka unit nga solar-powered freezer gikan sa United Nations Industrial Development Organization, kun UNIDO, karong adlawa, March 19 didto sa Daanbantayan Wet Market.
Ang freezer adunay dimension nga 108 x 85 x 71.5 cm per unit. Apil sa g-iturnover mao ang 6 Batteries (51 x 42 x 33 cm per box); 4 pcs Aluminum Panel (200 x 10 x 6 cm); ug wood crate Solar Panel (223 x 115 x 27 cm).
Usa ang Daanbantayan sa pipila ra ka mga LGU sa tibuok nasud ang nakadawat sa maong kahimanan gikan sa UNIDO. Tungod kini sa pagpaningkamot sa League of Municipalities of the Philippines (LMP) nga gipanguluhan ni LMP National President, Mayor JB Bernos (La Paz, Abra), ug ni Mayor Sun Shimura isip LMP Cebu President ug LMP Visayas Island Cluster Vice President.
Mitambong sa turnover ceremony ang mga representante gikan sa LMP, Plans & Programs Chief NJ Bernardo ug Events Chief Louie Lavarete; UNIDO, Technical Project Coordinator Manuel Azucena; ug TESDA, Senior Technical Education and Skilled Development Specialist Jerry Taroy. 3/19/2024
