Nakadawat og 5 kilos rice, vitamins ug calendar gikan sa LGU pinaagi sa Municipal Agriculture Office ang dili moubos sa 1,164 members sa rural-based organizations (RBOs) atol sa gipahigayon nga Year-End Assessment and Farm Family Forum adlaw’ng Martes, December 20, 2022.
Gisugdan ang programa pinaagi sa usa ka parade nga gisalmotan sa mga mga opisyales ug myembro sa RBOs, apil na ang ilahang entries alang sa best float competition. Nagkandaiyang aktibidad ang gipahigayon sulod sa Lamberto R. Te Cultural Center, sama sa farm wear competition; kuratsa, tango ug boogie dance contest; pageant, exhange gift; ug uban pang kalingawan.
Mitambong sa Year-End Assessment and Farm Family Forum sila Mayor Sun Shimura, Vice Mayor Ali Abucay, SB Member JupJup Rosell, SB Member Wendell Rosell, SB Member Bridgette Tancawan, SB Member Lolita Ybañez, kanhi Municipal Agriculturist Ma. Lina Jugan, ug Municipal Agriculture-OIC Henry Rondina. 12/21/2022
