Gipangunayan sa DSWD kauban ang MSWD, ubos sa liderato ni Mayor Gilbert Arrabis Jr., ang ikatulong hugna sa payout sa Emergency Cash Transfer (ECT) diin dili moubos sa 6,000 households nga apektado sa linog ang nakadawat sa maong financial assistance karong adlawa, November 20, 2025.
Ang mga beneficiaries nga partially damaged ang mga balay nakadawat ug ₱5,250, samtang ang adunay totally damaged houses nakadawat ug ₱10,125. Ang payout gipahigayon sa covered courts sa nagkadaiyang barangay: Bateria, Bitoon, Calape, Dalingding, Malbago, Malingin, ug Lanao.
Aron sa mas hapsay ug mas komportable nga distribution process, nagbutang ang LGU ug photocopier ug water dispenser para magamit sa tanan.
