Personal nga mibisita si Governor Pamela Baricuatro, kauban si Provincial Administrator Ace Durano, sa Daanbantayan karong adlawa, October 2, 2025, diin mainitong gidawat sila ni Mayor Gilbert Arrabis Jr.
Atol sa pagbisita, ilang gisusi ang kahimtang sa mga lifeline infrastructure ug pasilidad, apil na ang municipal hall, nga naapektohan sa 6.9 magnitude nga linog nga miigo sa atong lungsod niadtong Martes, September 30, 2025.
Miadto usab si Gov. Baricuatro ug Mayor Arrabis sa Daanbantayan District Hospital ug sa MDRRM Command Center aron tan-awon ang kahimtang sa serbisyo ug operasyon human sa katalagman.
